જહીર ખાન અને સાગરિકા ઘાટગે નું મુંબઈ સ્થત ઘર છે ખુબજ શાનદાર, જુઓ ઘરના અંદર ની તસવીરો

અભિનેત્રી સાગરિકા ઘાટગે ચક દે ઇન્ડિયા ફિલ્મથી ઓળખવામાં છે. ફિલ્મમાં તેણે પ્રીતિ સબરવાલનું પાત્ર ભજવ્યું હતું. નવેમ્બર 2017 માં સાગરિકાએ ક્રિકેટર ઝહીર ખાન સાથે લગ્ન કર્યા હતા. બંને મુંબઈમાં તેમના સપનાના ઘરે રહે છે. લોકડાઉન દરમિયાન સાગરિકા અને ઝહિર ખાને સોશ્યલ મીડિયા પર તેમના ઘરની ઘણી તસવીરો શેર કરી હતી. આ લેખમાં, ચાલો અમે તમને તેના ભવ્ય ઘરની તસવીરો બતાવીએ.

ઘરના ઇન્ટિરિયર સાગરિકા અને તેની બહેન નંદિતાએ ડિઝાઇન કર્યો છે. આ સાગરિકા અને ઝહીર ખાનના ઘરનો લિવિંગ એરિયા છે. જ્યાં સફેદ રંગની દિવાલો સાથે મેચિંગ સોફા છે. તસવીરમાં ઝહીર ખાન બેસેલા નજર આવે છે.

ઘરમાં બ્રાઇટ રંગો કરતાં સફેદ અને હળવા રંગોને પસંદ કરવામાં આવેલ છે. અહીં, સાગરિકા તેના ઘરના સોફા પર બેસીને એક પુસ્તક વાંચતી જોવા મળે છે. પલંગની બાજુમાં એક ટેબલ મૂકવામાં આવ્યું છે. એક સુંદર પેઇન્ટિંગ પણ જોઇ શકાય છે.

સાગરિકા એક રાજવી પરિવારમાંથી આવે છે. તેમના પિતાનું નામ વિજયસિંહ ઘાટગે છે. સાગરિકાની દાદી સીતા રાજે ઘાટગે ઇંદોરના મહારાજા તુકોજીરાવ હોલકર ત્રીજાની પુત્રી હતી. સાગરિકા રાષ્ટ્રીય કક્ષાની હોકી ખેલાડી પણ રહી ચૂકી છે.

આઠ વર્ષની ઉંમરે, સાગરિકા મહારાષ્ટ્રના કોલ્હાપુરથી અજમેર (રાજસ્થાન) માં શિફ્ટ થઈ. અહીં તેણે માયો કોલેજ ગર્લ્સ સ્કૂલમાંથી અભ્યાસ કર્યો. અભ્યાસ કરતી વખતે, તેને વિજ્ઞાપન ફિલ્મોમાં કામ કરવાની ઓફર મળવાનું શરૂ થયું, જોકે તેના પિતાએ આ ઓફર્સને નકારી દીધી હતી.

યુવરાજ સિંહ અને હેઝલ કીચનાં રિસેપ્શનમાં પહોંચેલી સાગરીકા અને ઝહીર ખાનનાં સંબંધો ત્યારે સામે આવ્યાં હતાં. આ બંનેની લવ સ્ટોરી વિશે વાત કરતાં, તેઓ એક સામાન્ય મિત્ર દ્વારા મળ્યા હતા.

એક ઇન્ટરવ્યૂમાં સાગરિકાએ કહ્યું હતું કે, 'હું અને ઝહીર અમારા મિત્ર ઋતિક દ્વારા મળ્યા હતા. જ્યારે પણ હું ઋતિકને મળતી હતી ત્યારે હું કહેતી કે ઝહીર સારો છોકરો છે. 2017 માં, બંનેએ ગુપ્ત રીતે લગ્ન કર્યાં. તાજેતરમાં જ એક સમાચાર સામે આવ્યા હતા કે સાગરિકા પ્રેગ્નેન્ટ છે. જો કે, કપલે હજી સુધી તેની પુષ્ટિ કરી નથી.

Post a comment

0 Comments